الله سبحانه وتعالى سمى نفسه بالرحمن و الرحيم، فإذا جنتي خايفة من الموت بسبب معصية او شيء (و هذا الشي كل البشر يسووه وكل البشر يجيهم يوم و يكونون مخطئون ) فهنا حاولي تتوبين و تبتعدين عن هذا الشيء قدر المستطاع وان شاء الله ربنا يغفر لج، اما اذا جان خوفج من المصير المجهول الموت بشكل عام هنا اكلج ما راح يفيدج الخوف و القلق هذا بشيء لان من تقلقين على شي امره مو بيدج ما راح يسببلج هذا غير الاذية، فحاولي تتركين هذا الشي وان شاء الله تكدرين وادري الكلام اسهل من الفعل واني بس دا احجي و اكلج سوي و سوي ، بس حتى لو تبقين تحاولين و ما تنجحين بالقدر الي تريديه هم افضل من ان ما تحاولين لان عدم المحاولة هو الفشل الحقيقي، و أكو قصة ما أدري هي صحيحة او لا بس دا احاول بيها مجرد اوصل فكرة معينة، القصة تكول أكو رجل جان يسوي هواي أفعال حرام بس جان بنفس الوقت واثق و مؤمن ان هو راح يروح للجنة لان هو جان يحس الظن بالله حسب حديث الرسول محمد صلى الله عليه و آله وسلم ( انا عند ظن عبدي بي، ...إلى آخره) وحديث آخر يقول ( ادعوا الله تعالى وأنتم موقنون بالإجابة ) ومن مات الرجل كانت سيئاته أكثر بس رغم هذا راح للجنة لان الله تعالى ما يخيب حسن ظن عبده به (اكرر اختي هاي مجرد قصة سمعتها ومو اكيدة مو شي دا افتي بيه ولا قصدي بيها ان هاهية ما نحاول نتوب و نعدل نفسنا بس دا احاول ابين و اوضح قصدي الج ) فيا اختي حاولي تتدربين على حسن الظن بالله بان راح يغفر سيئاتج و يجازيج على حسناتج وان اخرتج ان شاءالله بالجنة يارب